ကျွန်တော်နှင့်ပညာရေးစနစ်

မော်လမြိုင်၊ ၆ ဖေဖော်ဝါရီ ၂၀၁၉
 
ယနေ့ ကမ္ဘာကြီးကမျှော်လင့်တောင့်တနေသော ပညာရေးစနစ်မှာ စာပေများကို အလွတ်ကျက်မှတ်ကာ ပြန်လည် ဆိုပြရသော ပြန်လည်ရေးချရသော ၏/သည် မလွဲ ဖြေဆိုနိုင်သော အမှတ်များဖြင့်အဆင့်အတန်းခွဲခြားသော ဘွဲ့လက်မှတ် သင်တန်းဆင်းလက်မှတ် ထောက်ခံစာများဖြင့် တိုင်းတာသတ်မှတ်ပေးရသော ပညာရေးမျိုးမဟုတ်သည့် ပညာရေးစနစ်မျိုး ရေလိုက်မလွဲသော ပညာရေးစနစ်မျိုး တလွဲဆံပင်ကောင်း မဟုတ်သော ပညာရေးစနစ်မျိုး ဖြစ်သည်။
 
ပညာရေး၏ အဓိပ္ပယ်ကို သေချာစေ့ငုစွာ ဆင်ခြင်သုံးသပ်ကြမည်ဆိုလျှင် လူသားတစ်ဦးအဖြစ် မွေးဖွား လာသည်မှ စ၍ ဤကမ္ဘာကြီးပေါ်တွင် ငါ သူတပါး ယောက်ျား မိန်းမ လူ နတ် ဗြဟ္မာ သတ္တဝါ အားလုံးနှင့် အဆင်ပြေ နွေးထွေးသော ဆက်ဆံရေး ပတ်ဝန်းကျင်နှင့်သဟဇာတဖြစ်အောင် နေထိုင်ကျင့်ကြံတတ်မှုများ ကမ္ဘာကြီးကို သော်လည်းကောင်း သဘာဝပတ်ဝန်းကျင်ကိုသော်လည်းကောင်း အများကောင်းကျိုးကိုသော်လည်းကောင်း ဦးဆောင် ဦးရွက်ပြုကာ ထမ်းရွက် သယ်ပိုးနိုင်မှု ဗလငါးတန် သန်မာထွားကျိုင်းမှု (IQ)အိုင်ကျူ(EQ)အီးကျူတို့ကို အချိုးညီညီ ဖွံဖြိုးတိုးတက်မှု အမှန် အမှားကို ခွဲခြားနားလည်နိုင်မှု ကိုယ်ချင်းစာတတ်နားလည်ခံစားတတ်မှု လူမှုဆက်ဆံရေး ပတ်ဝန်းကျင်တွင် လိုက်နာကျင့်ကြံရမည့် အခြေခံသဘာတရား ကျင့်ဝတ်တို့ကို သင်ကြား ပျိုးထောင်ပေးသော ပညာရေး မျိုးသာဖြစ်သည်။
 
ပညာ ဆိုသည်မှာ နက်နဲ ခက်ခဲသည့် သဘောတရားကိုဆောင်ပြီး လူသားတိုင်း အလွယ်တကူ အခက်အခဲမရှိ လုပ်နိုင်သော အရာများ မဟုတ်ဘဲ အချိန်အားဖြင့် ဘဝအားဖြင့် အသက်အရွယ်အားဖြင့် ရင်းနှီးကာ အခက် အခဲများကြား အမှန် အမှားများကြား လေ့လာသင်ယူမှု သွန်သင်ဆုံးမမှု ဆရာစစ် ဆရာမှန်တို့၏ မှန်ကန် သေချာသော နည်းပေးလမ်းပြမှု ကြုံတွေ့ရသော အမှန်အမှားသင်ခန်းစာများကြား အတွေ့အကြုံများကြားတွင် ရရှိလာသော တန်ဖိုးမဖြတ်နိုင်သည့် အကြိမ်ကြိမ် အခါခါ လေ့ကျင့်မှု ပါရမီရှိမှု ဇွဲသန်မှု လုံ့လရှိမှု ဝရိယစိုက်ထုတ်မှုများကြောင့် ရရှိလာသော အသီးအပွင့်များ ဟု ယေဘူယျအားဖြင့် သတ်မှတ်ရမည်ဖြစ်သည်။
 
အစိုးရအဖွဲ့အစည်းတစ်ရပ် သို့မဟုတ် အထက်အဖွဲ့အစည်းတစ်ခု၏ ရည်ရွယ်ချက်များ ရည်မှန်းချက်များ လိုအင်များ ပုံစံသွင်းမှုများအတွက် ပုံစံချမှတ်ကာ စနစ်တကျ ဒါကိုသင်ရမည် ဒါကိုအလွတ်ကျက်ရမည် ဒါကို လိုက်နာရမည် ဒါကို သာမှန်သည်ဟု ယူဆရမည် ဒါသည်သာ အကောင်းဆုံးဖြစ်သည် ဆိုသော စည်းတားထားသည့် သတ်မှတ်ချက်များ ပြဌာန်းထားသော သင်ရိုးညွှန်းတန်းပြဌာန်းချက်များနှင့် သင်ကြားခြင်းများသည် အလွန် အန္တရာယ် များသော ဘောင်ကွပ် စည်းတား ပုံစံသွင်း ပညာရေးစနစ်အတုအယောင်များသာဖြစ်ပေလိမ့်မည်။
 
ဗလငါးတန်ဆိုသည်မှာ ကာယ(ကိုယ်ခန္ဓာကြံ့ခိုင်ရေး)၊ ဥာဏ(ဥာဏ်ပညာ နှင့်တကွ အသိပညာမြင့်မားရေး)၊ စာရိတ္တ(ကိုယ်ကျင့်တရားကောင်းမွန်ရေး)၊ ဘောဂ(ကြီးပွားတိုးတက်ရေး)နှင့် မိတ္တ(မိတ်ကောင်းဆွေကောင်း မိတ်သင်္ဂ ဟပေါများရေး)တို့ဖြစ်ပါသည်။ထိုသို့ ကာယဗလ၊ဉာဏဗလ၊စာရိတ္တဗလ၊ဘောဂဗလ၊မိတ္တဗလတို့သည် စာတွေ့များဖြင့် သင်ကြားနေယုံဖြင့်မပြီးပါ။ကြောင်ပုဇွန်စားကြွပ်ကြွပ်ဝါး အလွတ်ရနေရုံဖြင့် မရပါ။ကြက်တူရွေး စာအံ နည်းများဖြင့် အလွတ်ကျက် အလွတ်ဖြေ စနစ်များထွန်းကားလာခြင်းသည် မည်သူ့ကိုမျှ အကျိုးမပြုသည့်အပြင် အလွယ်လိုက်ကာ ပညာသင်ရမည့်အချိန်များ အရွယ်ရွယ်များကို အခွင့်အရေးများကို တိုက်စားဖျက်ဆီးနေသော နတ်ဆိုးကြီးသဖွယ် ဖြစ်နေသည်ကိုလည်း သတိမူကြရတော့မည်ဖြစ်သည်။စာမေးပွဲတို့သည် လူသားတစ်ဦး၏ အသိပညာ အတတ်ပညာ ဘဝအောင်မြင်မှု လူသားပီသမှု အရည်အချင်းပြည့်ဝမှု ရှိခြင်း မရှိခြင်းတို့ကို အတိအကျ သတ်မှတ်ပေးနိုင်သော ရလဒ်များ စွမ်းရည်များကို ဖော်ပြပေးနိုင်သော အရာမဟုတ်ပေ။ကျောင်းသားတစ်ဦးသည် ပညာသင်နှစ်တစ်ခုတွင် မည်မျှရသွားသည် ဘာတွေရရှိသွားသည် ဘယ်လိုအရည်အချင်းတွေ တိုးတက်လာသည် မည်သည့်ပါရမီတွေ ရှိထားသည် မည်သို့ ပြုစု ပျိုးထောင်ကာ မြေတောင်မြှောက်ပေးသင့်သည် မည်သည့်အရာတွင် ထူးချွန် အောင်မြင်နိုင်မည် စသည်တို့ကို စစ်ဆေး ခန့်မှန်းပေးရမည့် အရည်အချင်းစစ်မှုသာဖြစ်သင့်ပါသည်။
 
စာမေးပွဲ ဆိုသော ခေါင်းစဉ်အောက်တွင် စာများကို အလွတ်ရသည် မရသည် စာများများရလျှင် အမှတ်များများ ပေးလိုက်မည် စာများများမရလျှင် အမှတ်နည်းနည်းသာရမည် အမှတ် မည်မျှရလျှင် အတန်းအောင်သည် အမှတ် မည်မျှ ရလျှင် အတန်းကျသည် အမှတ်မည်မျှရလျှင် ဂုဏ်ထူးထွက်သည် စသည်ဖြင့် သတ်မှတ်နေခြင်းတို့သည် ကျောင်းသား/သူ တစ်ဦး၏ စာတတ်မြောက်မှု ပညာတတ်မြောက်မှု အသိဉာဏ်ပညာကြွယ်ဝမှု အကြားအမြင် ဗဟုသုတများ ရှိခြင်း မရှိခြင်း အသိပညာ အတတ်ပညာ အဆင့်အတန်း မည်မျှရှိသည် မရှိသည် ဘဝတွင် အောင်မြင်နိုင်ခြေ ရှိ မရှိ အရည်အချင်း ရှိ မရှိ စသည်တို့ကို တိုင်းတာ သတ်မှတ်ပေးခြင်း ကောက်ချက်ဆွဲပေးနိုင်ခြင်း မှတ်ချက်ပေးနိုင်ခြင်း မရှိသော စာများကို သီးသန့် ၏/သည် မလွဲ အလွတ်တန်းဖြေဆိုရေးသားနိုင်ခြင်း ရှိ မရှိကိုသာ စစ်ဆေးသော စာမေးပွဲ သာလျှင် ဖြစ်ပေလိမ့်မည်။ စာများများ ရခြင်း မရခြင်းသည် အမှတ်များများရခြင်း မရခြင်းသည် ကျောင်းသားတစ်ဦး၏ တကယ်စစ်မှန်သော အရည် အချင်း အစစ်အမှန်ကို ရရှိမည် မဟုတ်ပေ။သင်ရိုးညွှန်းတမ်းတွင် ၁၀ပုဒ်ပြဌာန်းထားပြီး ၅ပုဒ်မေးကာ ၄ပုဒ်ကိုဖြေဆိုရန် သတ်မှတ်ထားသည်ဆိုလျှင် မေးခွန်းတွင်မေးထားသော ၄ပုဒ်တည်းကျက်မှတ်ထားသူက ၄ပုဒ်လုံးဖြေဆိုနိုင်သဖြင့် ဂုဏ်ထူးများပင် ထွက်နိုင်သည်။ ၃ပုဒ်တည်း ကျက်မှတ် ထားကာ ၃ပုဒ်ဖြေဆိုနိုင်သူကိုလည်း အောင်မြင်သည်ဟု သတ်မှတ်ပေးရမည်ဖြစ်သည်။မေးခွန်းလွှာတွင် မပါဝင်သော ၅ပုဒ်လုံးကို ကျက်မှတ်ထားသူသည် တစ်ပုဒ်မျှ မဖြေဆိုနိုင် သဖြင့် ဂုဏ်ထူးထွက်သော ကျောင်းသားထက် စာများ ပိုရသော်လည်း စာများ ပိုကျက်သော်လည်း အားထုတ်မှု ပိုများသော်လည်း ရမှတ် သုံညဖြစ်နေပေလိမ့်မည်။ထို့ပြင် မေးခွန်းလွှာတွင် မပါဝင်သော စာ၅ပုဒ် နှင့် မေးခွန်းလွှာတွင် ပါဝင်သော ၂ပုဒ် စုစုပေါင်း စာ ၇ပုဒ်ကို အလွတ် ကျက်မှတ်ထားကာ အားထုတ်မှုအများဆုံးဖြစ်သော်လည်း မေးခွန်းလွှာတွင်ပါဝင်သော စာ၂ပုဒ်သာ ဖြေဆိုနိုင်သဖြင့် ပြဌာန်းစာ ၁၀ပုဒ်တွင် ၇ပုဒ်လုံးကို အလွတ်ကျက်မှတကာ် တတ်မြောက်ထားသော်လည်း အောင်မှတ်ရမည်မဟုတ်ပဲ စာမေးပွဲကျရှုံးမည်သာဖြစ်သည်။
 
ထိုသို့ဆိုလျှင် ပြဌာန်းစာ ၁၀ပုဒ်တွင် ၇ပုဒ်ရသူသည် ကျရှုံးနိုင်ချေရှိပြီး စာ၃ပုဒ်တည်း ကျက်မှတ်ထားသူ သည်လည်း အောင်မြင်နိုင်ချေရှိနေလေသည်။ကျောင်းသားများ၏ အောင်မြင်မှု ကျရုံးမှု အရည်အချင်း ကန့်သတ်မှု တို့ကို ထိုကဲ့သို့ စာမေးပွဲများဖြင့် စည်းများ ဘောင်များ ကန့်သတ် ထိန်းချုပ်ကာ မှတ်ချက်ပေးခြင်း သတ်မှတ် ပေးနေခြင်းတို့မှာ မှန်ကန်ခြင်း ရှိသည် မရှိသည်ကို စဉ်းစားကြရန် လိုအပ်လာပြီဖြစ်သည်။စာများများကို ၇ပုဒ်ခန့် အလွတ်ရအောင် ကျက်မှတ်ထားသည် ဖြစ်ပါသော်လည်း စာစစ်ဌာနများက မေးသောမေးခွန်းများနှင့် မိမိ ကျက်မှတ်ထားသော စာပုဒ်များ တဲ့တဲ့တိုးပါစေ တိုက်ဆိုင်ပါစေ ဟု ကံတရားကို ပုံချကာ မျှော်လင့်နေရသော ဘဝများ ကိုသာ ပေးစွမ်းနေသော စာမေးပွဲများ ဖြစ်မှန်းမသိ ဖြစ်နေကြပြီကို သုံးသပ်ဆွေးနွေးကြရန်လည်း လိုအပ်နေပြီ ဖြစ်သည်။
 
အမှန်တကယ်ကြိုးစားကာ အရည်အချင်းရှိပြီး တတ်မြောက်ခဲ့သူများ ပါဝင်လာမည်ဖြစ်သလို စာများကို အလွတ် ကျက်မှတ်ကာ စိတ်ထဲ နှလုံးသားထဲ ဦးနှောက်များထဲတွင် မကျန်ဘဲ တစ်နှစ်ကျက် တစ်နှစ်ဖြေ တစ်နှစ်လုံးတွင် ကျက်ထားသော စာများကို နောက်နှစ်တွင်မေ့ပစ်ကာ တစ်နှစ် တစ်တန်း အောင်မြင်လာကြပြီး ဘွဲ့လက်မှတ်များ ရရှိလာကြသော ကျောင်းသားများလည်းပါဝင်လာကြမည်ဖြစ်သည်။ထိုကဲ့သို စာများကိုရွေးကျက်ထားပြီး ဂုဏ်ထူးများ အောင်မြင်မှုများကို မေးခွန်းလွှာ၏ တိုက်ဆိုင်မှုများဖြင့် ဘွဲ့ရလာသည့် ကျောင်းသားများ၏ တကယ့်လူမှုဘဝ ပတ်ဝန်းကျင် နိုင်ငံရေး စီးပွားရေး ကျန်းမာရေး လူမှုရေး ပေါင်းသင်းဆက်ဆံရေးတို့တွင် အမှန်တကယ် ကိုယ်တွေ့ လက်တွေ့ ကြုံတွေ့ ဖြေရှင်းရတော့မည့် အချိန်အခါများတွင် ဘဝကမေးသော ပြဿနာမေးခွန်းများနှင့် တိုက်ဆိုင် ကံကောင်းပါမည် ဟု မည်သူကမျှ အာမ မခံပေးနိုင်တော့ပေ။လောဘ ဒေါသ မောဟ မာန အတ္တ ကိုယ်ကျိုး လူအမျိုး စိတ်အထွေထွေနှင့် စုံလင်နေသော ဘဝတက္ကသိုလ်ကြီးတွင် ကြုံတွေ့ ဖြေရှင်းရမည့် ပြဿနာကြီးငယ်တို့သည်ကား မည်သူ့ကိုမျှ သက်ညှာမည် ကိုယ်ချင်းစာမည် ဖြေလျှော့ပေးမည် မဟုတ်ပေ။အမှန်တကယ် အရည်အချင်းအစစ်အမှန် ဗဟုသုတအကြားအမြင်အစစ် အတွေ့အကြုံအစစ်အမှန် ပြဿနာရင်းမြစ်ကို သိနိုင်မြင်နိုင်သော ဖြေရှင်းနိုင်သော အမှန် အမှားတို့ကို ခွဲခွဲခြားခြား နားလည်သော ဆင်ခြင်သုံးသပ်နိုင်သော ဗလငါးတန်နှင့်ပြည်စုံအောင် ပညာအစစ် ပညာအမှန်ကို ဆရာစစ် ဆရာကောင်းတို့ဖြင့် လမ်းညွှန်မှုကောင်းတို့ဖြင့် သင်ယူတတ်မြောက်ထားသော ဘဝကျောင်းသားများသည်သာ ဖြေဆို အောင်မြင်ကြတော့မည်ဖြစ်သည်။
 
ပညာရေးစနစ်၏ တကယ့်အနှစ်သာရသည် ကျောင်းသားများကို ပညာမတတ် တတ်အောင် ရွေးချယ်စရာများ စုံလင်စွာဖြင့် ကျောင်းသားများသင်ယူချင်သည်ကို ဝါသနာပါသည်ကို စိတ်ပါဝင်စားသည်ကို သင်ယူခွင့်ရှိအောင် ပြည်စုံ လုံလောက်သော စာတွေ့ လက်တွေ့နည်းများဖြင့် ပွင့်လင်းလွတ်လပ်စွာ အဆင်ပြေလွယ်ကူချောမွေ့စွာ သင်ကြား ပြသ နည်းပေး လမ်းညွှန်မှုများပေးကာ မှန်သည်တို့ကို အားပေးကာ မှားသည်တို့ကို ထိန်းကျောင်းပေးကာ အရည်အချင်း အမှန်တကယ်ပြည့်ဝသည့် အမှန်တကယ်နားလည်တတ်မြောက်သည့် ယုံကြည်ချက်ခိုင်မာသည့် ပညာရပ်တစ်ခုခုတွင် ထူးချွန်သည့် ကျောင်းသားများဖြစ်လာအောင် အခွင့်အလမ်းများပေးသော စနစ်တစ်ခုဖြစ်မှသာ ပညာရေးစနစ်ကောင်း ဟု ခေါ်ဆိုနိုင်ပေလိမ့်မည်။
 
စစ်မှန်သောပညာရေးစနစ်သည် စာတော်ယုံ စာတတ်ယုံ စာဖတ်ယုံ စာတွေ့တစ်ခုတည်းနှင့် မပြီးမြောက် သင့်ပေ။ စာကျက်မှတ်ခြင်းတစ်ခုတည်းနှင့် စခန်းသွားနေလျှင် စာညာရေးသာဖြစ်ပြီး ပညာရေးအစစ်အမှန် ဖြစ်နိုင်တော့မည် မဟုတ်ပေ။နိုင်ငံတစ်ခုအတွက် အစိုးရအဖွဲ့အစည်းတစ်ခုအတွက် အခြားသောအမျိုးမျိုးသော လူမှု အဖွဲ့အစည်းများ တစ်ခုခု အတွက်သာ အကျိုးရှိစေရန် အထောက်အကူဖြစ်စေရန် ရည်ရွယ်ချက်များ လမ်းညွှန်ချက် များ ပြဌာန်းချက်များဖြင့် သင်ကြား ပြသပေးနေလျှင် ပညာရေးစနစ်ကောင်း ဟု မခေါ်ဆိုထိုက် တော့ပေ။ ပညာရေးစနစ်၏ ရည်ရွယ်ချက်သည် သင်ကြားသူ ကျောင်းသားကိုယ်တိုင်အတွက် သူ၏လူမှုပတ်ဝန်းကျင်အတွက် နိုင်ငံတော်အတွက် လူသားမျိုးနွယ်စု အားလုံးအတွက် တစ်ကမ္ဘာလုံးအတွက် အထောက်အကူပြုနိုင်သော ကောင်းကျိုးချမ်းသာကို ပေးစွမ်းနိုင်သော တီထွင် ဖန်တီး ဆန်းသစ်မှုများကို ပြုလုပ်နိုင်သော အဖွဲ့အစည်းစိတ်ဓါတ်ဖြင့် ဆောင်ရွက်နိုင်သော ပညာရပ်နယ်ပယ်တစ်ခုခုတွင် ထူးချွန်ပြောင်မြောက်သော လူသားရင်းမြစ်များကို ပြုစု ပျိုးထောင် မြေတောင်မြှောက်ပေးသော စနစ်ကောင်းဖြစ်ရန် လိုအပ်ပေလိမ့်မည်။
 
ပညာရေးစနစ်ကောင်းတွင် သင်ရိုးညွှန်းတန်းများကို လူအဖွဲ့အစည်းတစ်ခု၏ စိတ်ဆန္ဒသဘောထားများနှင့် ဟိုဟို သည်သည် ရွေးချယ်ကာ ပြဌာန်းထားခြင်းမျိုးမဖြစ်လျှင် ပိုကောင်းသည်။ကျောင်းသားများ သင်ယူချင်သည့် မည်သည့် ပညာရပ်မျိုးမဆို ရှိရန်လိုအပ်မည်ဖြစ်သည်။ရှိလည်းရှိရမည်ဖြစ်ပြီး မည်သည့်ကျောင်းသားသည် မည်သည့် ပညာရပ်ကို စိတ်ပါဝင်စားသည် မည်သည့် ပညာရပ်တွင် ပါရမီရှိသည် မည်သည့်ပညာရပ်တွင် ထူးချွန်အောင်မြင်နိုင်သည် စသည်ဖြင့် သင်ကြားသူများက ကျောင်းသားများ၏ စိတ်နေစိတ်ထားများ ဘဘောသဘာဝများ ပါရမီရှင်များ လေ့လာလိုက်စားမှု အင်အားများ ဝါသနာများကို တွက်ချက်လေ့လာကာ ထိန်းကျောင်း ပဲ့ပြင် သွန်သင်ပေးကာ နည်းပေး လမ်းပြပေးယုံမျှသာ ဖြစ်သည်။
 
များပြားလှသော ကျောင်းသားများတို့သည် တစ်ဦးနှင့်တစ်ဦးတွင် ဓလေ့စရိုက် အထုံဝါသနာ မျိုးရိုးဗီဇ ပါရမီများ တူညီကြလိမ့်မည် မဟုတ်သည်ကို ကောင်းစွာသဘောပေါက်ရန် လိုအပ်ပေလိမ့်မည်။ပညာရေး၏ ရည်ရွယ်ချက်သည် ပညာသင်ယူသူ ကျောင်းသားတို့၏ ဘဝတွင် ကြုံတွေ့ရသော အခက်အခဲများကို ဖြေရှင်းနိုင်သော အစွမ်းအစများ အမှန် အမှား ခွဲခြမ်းစိတ်ဖြာ ဆင်ခြင်သုံးသပ်နိုင်သော အရည်အချင်းများ ဘဝနေထိုင်နည်းများ အောင်မြင်ရေး နည်းလမ်းများကို သင်ကြားပြသ လမ်းညွှန်ပေးသော ပညာရေးစနစ်တစ်ခုသာဖြစ်ရမည်ဖြစ်သည်။ပညာသင်ကြားသူ ကျောင်းသားတစ်ဦး အနေနှင့် မည်သည့် ပညာရပ်ကိုပင် စိတ်ဝင်စားသည် သင်ယူလိုသည်ဖြစ်စေ သင်ယူနိုင်ခွင့် ရှိရမည်ဖြစ်သည်။သင်ယူနိုင်ခွင့် အခွင့်အရေးများ အခွင့်အလမ်းများ အခြေခံ စာတွေ့လက်တွေ့များ ရှိနေရမည်ဖြစ်ပြီး ရှိနေအောင်လည်း ပညာရေးစနစ်က ဖြည့်ဆည်းဆောင်ရွက်ပေးထားရမည်ဖြစ်သည်။
 
ဘောလုံးအားကစားပညာရပ်ကို ဝါသနာပါသူ အထုံပါရမီရှိသူ ကျောင်းသားတစ်ဦးကို အခြားအခြားသော ပညာရပ်များ စာပေများ အတင်းအကျပ် သင်ကြားခိုင်းနေလျှင် ထိုကျောင်းသားသည် စိတ်ပါဝင်စားမည်မဟုတ်ဘဲ ကြိုးစားတော့မည်မဟုတ်ပေ အောင်မြင်တော့မည် မဟုတ်ပေ ထွန်းပေါက်တော့မည် မဟုတ်ပေ။ဂီတတူရိယာ ပညာရပ် တစ်ခုကို ဝါသနာပါသော စိတ်ပါဝင်စားသော ကျောင်းသားတစ်ဦးကိုလည်း သစ်ပင်များအကြောင်း သမိုင်းကြောင်းများ အကြောင်း ပထဝီနိုင်ငံရေးများအကြောင်း ကျက်မှတ်ခိုင်းနေလျှင် ထိုကျောင်းသားသည် အောင်မြင်တော့မည် မဟုတ်ပေ။ ထိုသို့ပင် ပညာရေးစနစ်တွင် ဘောလုံး ခြင်းလုံး ဟော်ကီ ပင်ပေါင် ဘတ်စကစ်ဘော ဘော်လီဘော ရေကူး ပြေးခုန်ပစ် မာရသွန် တင်းနစ် စသည့်အားကစားပညာရပ်များ စာပေ ဂီတ ရုပ်ရှင် သဘင် တူရိယာတီးခတ်နည်းများ ပြိုင်ကားများ လက်မှုအနုပညာများ ယွန်းထည်ပြုလုပ်သောပညာရပ်များ ပန်းဆယ်မျိုး ကဲ့သို့သော ရိုးရာပညာရပ်များ စသည်ဖြင့် ကျောင်းသားတို့၏ စိတ်ပါဝင်စားသည့် မည်သည့်ပညာရပ်ကိုမဆို အခြေခံ အဆင့် ကျွမ်းကျင်အဆင့် ပညာရှင်အဆင့် စသည်ဖြင့် ထူးချွန်စွာတတ်မြောက်အောင် အသက်မွေးဝမ်းကြောင်း ပြုနိုင်အောင် သင်ကြားပြသ လမ်းညွှန်ပေးရန်သာ အဓိက တာဝန်ရှိမည်ဖြစ်သည်။
 
ဆရာဝန်ပညာ၊အင်ဂျင်နီယာပညာ၊စစ်ပညာ၊သတင်းပညာ၊ကဗျာ အက်ဆေး ဆောင်းပါး ဝတ္ထု စာရေးနည်းပညာ၊ သရုပ်ဆောင်ပညာ၊သီချင်းဆိုပညာရပ် ဂီတတူရိယာတစ်ခုချင်းစီ၏ အသုံးပြုနည်းပညာရပ်များ၊ကွန်ပြုတာပညာ၊ အွန်လိုင်း အင်တာနက်သုံးနည်းပညာ၊ဆော့ဖ်ဝဲလ်၊ဟတ်ဝဲလ်နည်းပညာများ၊မိုဘိုင်းလ်ဖုန်းပြုလုပ်နည်း ပြုပြင်နည်း အခြေခံပညာများ၊ ဟိုတယ် မိုတယ် အင်းများ တည်းခိုခန်းများ၏ ဧည့်ကြို ဝိတ်တာ ကောင်တာ စားဖိုမှူး ပညာများ၊ ဓါတ်ပုံပညာ၊လက်သည်း ခြေသည်း ပုံဖော်ပညာ၊ဆံပင် မျက်နှာ အလှပြင် ခေါင်းလျှော် မိတ်ကပ်ပညာရပ်များ၊ အဝတ်အစား ဒီဇိုင်းပညာရပ်များ၊ လယ်များ တောင်ယာများ ကိုင်းများ ကျွန်းများ သစ်ပင်စိုက်နည်းများ၊ပန်းမျိုးနွယ် စိုက်နည်း ထိန်းသိမ်းနည်း ကိုင်းကူ ကိုင်းဆက် ပညာရပ်များ၊ဈေးရောင်း ဈေးဝယ် စာရင်းအင်းပညာရပ်များ၊ ရွှေပညာရပ်များ၊ကျောက်မျိုးစုံပညာရပ်များ၊ ရေနံ သဘာဝဓါတ်ငွေ့ ရှာနည်း လေ့လာနည်း တူးယူအသုံးချနည်း များ၊လေယျဉ်ထုတ်လုပ်မှု သင်္ဘောထုတ်လုပ်မှု ကားထုတ်လုပ် တီထွင်မှု ဆိုင်ကယ်များထုတ်လုပ်မှု စသည်ဖြင့် လူသားတို့၏ နေ့စဉ် လူမှုဘဝတွင် ရှိနေသော ဖြစ်နေသော အသုံးပြုနေရ သော ပညာရပ်မျိုးစုံ နည်းပညာမျိုးစုံ အတတ်ပညာမျိုးစုံကို ကျွမ်းကျင် ပညာရှင်များကို ဆရာများအဖြစ်ထားကာ သင်ကြား သင်ယူခွင့်များ ရှိစေ သင့်ပါသည်။လက်ဝှေ့ပညာများ၊ဂျူဒို ကရာတေး သိုင်းပြောင်းပြန် ရိုးရာသိုင်းပညာများ၊ အိမ်တွင်းမှု လက်မှုပညာရပ် ဖြစ်သော ပစ္စည်းဟောင်းများကို ပြန်လည်အသုံးပြုနည်းပညာရပ်များ၊အလှမွေးတိရိစ္ဆာများ မွေးမြူခြင်း ထိန်းသိမ်းခြင်း ယဉ်ပါးအောင်သင်ကြားခြင်းပညာများ၊ကြက် ဝက် ဘဲ နွား ကျွဲ စသည်ဖြင့် အသားတိုး ဥစားမွေးမြူရေး ပညာများ၊ငါး ပုဇွန် ကမာ ရေသတ္တဝါများ မွေးမြူရေးပညာ၊မြစ် ချောင်း အင်း အိုင် ရေကန် ထိန်းသိမ်းရေးပညာ၊ သဘာဝ တောရိုင်းတရိစ္ဆာများ ထိမ်းသိမ်းရေး စောင့်လျောက်ရေးပညာရပ်များ စသည်ဖြင့် စွန့်ဦးတီထွင်ခြင်း သုတေသန ပြုလုပ်ခြင်း စာတမ်းပြုစုခြင်း လုပ်ငန်းစဉ်များတွင် စာချည်းသက်သက်မဟုတ်သော ပညာသင်ယူသူ ကျောင်းသားများ ကိုယ်တိုင် ကိုယ်တွေ့ လက်တွေ့ ပါဝင်ဆောင်ရွက်နိုင်သော အခွင့်အရေးများ အခွင့်အလမ်းများဖြင့် လူသားတို့အတွက် မရှိမဖြစ် မလုပ်မဖြစ် နေ့စဉ်ကြုံတွေ့နေရသော နေ့စဉ်ပြုလုပ်နေရသော ပညာရပ်များအားလုံးကို အထူးပြုမေဂျာများ ဘာသာရပ်များ အဖြစ်သတ်မှတ်ကာ ပညာသင်ယူသူကျောင်းသားများ ဝါသနာပါသော ပညာရပ်များကို သင်ကြားခွင့် ရှိအောင် ပညာရေး စနစ်က အထောက်အကူပြုပေးနိုင်ရမည်ဖြစ်ပြီး ထိုသို့ သင်ကြားပေးနိုင်မှသာ သက်ဆိုင်ရာ ပညာရပ်များတွင် စွန့်ဦးတီထွင် ပညာရှင်များ ကျွမ်းကျင်ပညာရှင်များ မရေမတွက်နိုင်လောက်အောင် ပေါ်ထွက် လာပါလိမ့်မည်။
 
ကျောင်းသားများကို ကျောင်းစာသင်ခန်းများထဲတွင် တစ်နေကုန်အချိန်ပြည့် ပိတ်လှောင်ကာ စာများကိုသာ သင်ယူစေခြင်းထက် သက်ဆိုင်ရာဘာသာရပ်များအလိုက် ဆရာဝန်လောင်းလျာများသည် ဆေးရုံများဆေးခန်းများသို့ စီနီယာဆရာဝန်များနှင့်တွဲကာ လက်တွေ့သင်ကြားစေခြင်း၊ဥပဒေကျောင်းသားများကို လွှတ်တော်များ တရားရုံးများ ရပ်ကျေးအုပ်ချုပ်ရေးရုံးများ လွှတ်တော်ကိုယ်စားလှယ်များ၏ ရုံးခန်းများ ရဲစခန်းများ ပြည်ထဲရေး ထွေအုပ်ရုံးများသို့ လေ့လာရေးများပြုလုပ်စေခြင်း ဆွေးနွေးစေခြင်း မှတ်တမ်းမှတ်ရာများဖြင့် စာတမ်းများပြုစုစေခြင်း ထိုမှတ်တမ်းများကို ကြည့်ရှုလေ့လာကာ ဆရာများက အမှတ်ပေးအကဲဖြတ်စေခြင်းတို့ဖြင့် လက်တွေ့သင်ကြားပေးခြင်းတို့သည် ပညာရေးကို အထောက်အကူပြုကာ ထိရောက်ပေလိမ့်မည်။ပန်းချီပန်းပု ကျောင်းသားများသည်လည်း ပန်းချီပြပွဲများ သို့ သွားရောက် လေ့လာစေခြင်း ပန်းချီဆရာကြီးများနှင့် နွေးထွေးစွာ ဆွေးနွေးစေခြင်း စာသင်ခန်းများထဲသို့ သက်ဆိုင်ရာပညာရှင်များကို ဖိတ်ကြားကာ ကျောင်းသားမျာနှင့် တွေ့ဆုံပေးခြင်းတို့ကို ပြုလုပ်ပေးသင့်ပါသည်။ အထူးပြုမေဂျာ ဘာသာရပ်များ အားလုံး အားလုံးတွင် ထိုသို့ သက်ဆိုင်ရာနယ်ပယ်အသီးသီးတွင် အောင်မြင် နေကြသော ပညာရှင်များနှင့် ကျောင်းသားများကို ကျောင်းစာသင်ခန်းများကို ဖိတ်ကြား၍သော်လည်းကောင်း ပြင်ပ အစည်းအဝေးပွဲ ပြပွဲ ဖျော်ဖြေပွဲများသို့ ပို့ဆောင်ပေးခြင်း ဖြင့်သော်လည်းကောင်း ကျောင်းသားများကို လက်တွေ့ သင်ယူစေခြင်း မှတ်သားစေခြင်း စာတမ်းများရေးသားစေခြင်း စသည့်နည်းလမ်းတို့ဖြင့် အပြေးတစ်ပိုင်းဖြင့် အမီ လိုက်မှသာ ကမ္ဘာ့ခေတ်ရေစီးကြောင်းကို အမီလိုက်နိုင်ပေလိမ့်မည်။
 
မည်သည့်ကျောင်းသားသည် မည်သည့်ဘာသာရပ်များကို သင်ကြားရမည် မည်သည့်စာပေများကို သင်ကြားရမည် မည့်စာပေများဘာသာရပ်များကို အလွတ်ကျက်မှတ်ရမည် ဖြေဆိုရမည် မည်သည့်ကျောင်းသားသည် စာပုဒ်ရေမည်မျှ ဖြေဆိုနိုင်သဖြင့် အမှတ်မည်မျှရရှိသည် ထို့ကြောင့် မည်သည့် မေဂျာကိုသာ ယူရမည် မည်သည့် ကျောင်းသားသည် အမှတ်များသဖြင့် မည်သည့်မေဂျာများ ပညာရပ်များကိုမီသည် စသည်တို့သည် ပညာရေးမူ ပညာရေးစနစ် ဟု မဟုတ် တော့ဘဲ အစိုးရအဖွဲ့အစည်းအချို့၏ လူမှုအဖွဲ့အစည်းအချို့၏ လုပ်ငန်းခွင်များတွင် အသုံးပြုရန်သော်လည်းကောင်း အသုံးဝင်စေရန်သော်လည်းကောင်း ပညာသင်ယူနေသူ ကျောင်းသားများကို ပုံစံရိုက်သွင်းနေသည့် အတ္တပါဝင်သော ကျောင်းသားများကို ကိုယ်စားမပြုသော ဒီမိုကရေစီလမ်းစဉ်က သွေဖယ် နေသော ကျောင်းသားတစ်ဦး၏ ဆန္ဒ ဘဝ စိတ်ခံစားမှု သင်ယူလိုမှုတို့ကို ထိန်းချုပ်ကန့်သတ်နေသော ပညာရေး အမည်ခံနစ်ဆိုးကြီးသာ ဖြစ်ပေလိမ့်မည်။
 
ပညာရေးစနစ်၏ တာဝန်မှာ ပညာသင်ယူသူကျောင်းသား၏ ဘဝကိုအောင်မြင်စေနိုင်သော လူမှုပတ်ဝန်းကျင်ကို အကျိုးပြုနိုင်သော ကမ္ဘာလောကကြီးကို အကျိုးပြုနိုင်သော ပညာရပ်တစ်ခုခုတွင် ထူးချွန်ထက်မြတ်အောင်မြင်သော နိုင်ငံတော်ကို ပညာရပ်တစ်ခုခုဖြင့် အထောက်အပံ့ပြုနိုင်သော လူသားရင်းမြစ်များကို အဆင့်မီမီမွေးထုတ်ပေးရန်သာ တာဝန်ရှိသည်။ပညာသင်ယူနေသူ ကျောင်းသားတစ်ဦး၏ လွတ်လပ်စွာ ပညာသင်ယူခွင့်ကို ထိန်းချုပ်ကန့်သတ်သော အမှတ်ပေးစည်းမျဉ်းများ ပညာရပ်မျိုးစုံကို တစ်ပြိုင်နက်သင်ကြားစေခြင်းများ ပညာရပ်များကို တစ်ခုနှင့် တစ်ခု အဆင့် အတန်းသတ်မှတ်ကာ ခွဲခြမ်းစိတ်ဖြာပြီး သင်ကြားစေခြင်းများသည် မရှိသင့်သော မပြုလုပ်သင့်သော မလျော်ကန် သော စနစ်ဆိုးကြီးသာဖြစ်ပြီး ပညာသင်ယူသူ ကျောင်းသားများ၏ အနာဂတ်ကို ဖျက်ဆီးနေသော ပျက်စီးစေသော ဗဟို ထိန်းချုပ်မှု ပုံစံသွင်းပညာရေး ဘောင်ခတ်ပညာရေး တပည့်မွေးပညာရေးသာဖြစ်ပေလိမ့်မည် ဟု ယူဆ မိပါတော့သည်။
 
အမ္ဗနဒီကျော်စွာ
Mawlamyine Daily

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s