Medicine for Worms သန်ချဆေးများ

This slideshow requires JavaScript.

This slideshow requires JavaScript.

မော်လမြိုင်၊ ၉ ဒီဇင်ဘာ ၂၀၁၈
 
(ကန်တော့)
 
၁။ ဆရာရှင့် သမီးလေးအသက် ၁နှစ်နဲ့ ၃လပါ ဝမ်းသွားတာ တုတ်ကောင်ပါလာလို့ သန်ချဆေးတိုက်လို့ ရပါသလားဆရာ အင်းစိန်ရန်ကုန်ပါ
 
၂။ သန်ချဆေး ၄၀၀ mg သောက်ပြီး နှစ်ရက်လောက်နေရင် ၅၀၀ mg ထပ်သောက်လို့ရသလား တောင်းဆိုတာပါခင်ဗျ
 
၃။ ကျွန်မသမီးလေးက ၅လ ပြည့်ပါပြီ (မရိုမသေ ကန်တော့ပါဆရာ) သမီးလေး အခုတလော ဝမ်းသွားရင် ချွဲတွေ တုတ်ကောင်လေးတွေပါလာလို့ပါ အဲ့ဒါစိုးရိမ်ရပါသလားရှင့် မိခင်ဖြစ်သူရဲ့ အစားအသောက်ကြောင့်ဖြစ်တာလား သိချင်လို့ ပါရှင့် သမီးလေးကို အမေနို့တမျိုးတည်းပဲတိုက်တာပါဆရာ လေးစားစွာဖြင့်
 
၎။ ဆရာမင်္ဂလာပါ။ ကလေးအသက် ၂ နှစ်နဲ့ ၄လ ပါဆရာ။သံချပေးချင်လို့ပါဆရာ။သံချဆေးသောက်ပြီးရင် သံမကိုင်ရဘူး ရေမချိုးရဘူး၊ အအေးမခံရဘူးဆိုတာ ဟုတ်လားဆရာ။ သံချဆေးသောက်ပြီးရင် သံဝမ်းက ဘယ်နှစ်ရက်လောက် သွားတက်လည်းဆရာ။ ဝမ်းပျော့ဆေးတိုက်ဖို့လိုလား သိချင်ပါတယ်။ ကလေးကဝမ်းချုပ်တက်လို့ပါ။ ဆရာအားရင် ဖြေပေးပါဆရာ။ ဆရာလည်းကျမ်းမာပါစေ။ သံချဆေးကို ဘယ်အမျိုးအစားတိုက်သင့်လဲ သိချင်ပါတယ်ဆရာ။
 
သံချဆေး မဟုတ်။ သန်ချဆေးဖြစ်။ အအေးမခံရဘူးစိုတာ မဟုတ်။ ဆိုတာလို့ရေးရတယ်။ သံမကိုင်ရဘူး မဟုတ်။ ရေမချိုးရဘူး မဟုတ်။ အအေးမခံရဘူး မဟုတ်။
 
သန်ကောင်ဆိုတာ ပါးစပ်ကနေဝင်တယ်။ မျက်စိနဲ့မမြင်ရတဲ့ သန်ဥပါတာကို စားသောက်မိလို့ ကူးစက်တယ်။ တမင်တကာ ဘယ်သူမှမစားပါ။ စားစရာထဲမှာ မျက်စိနဲ့မမြင်ရလို့ပါသွားတာ။ စားစရာလို့ပြောရတာလည်း မပြည့်စုံသေးပါ။ ပါးစပ်ထဲ ဝင်တာမှန်သမျှကို သတိထားရတယ်။ မိခင်နို့၊ နို့ဗူး၊ ရေ၊ ကစားစရာ၊ ကလေးလက်။ မိခင်လက်၊ ကလေးလက်ကို ခဏခဏဆေးရပါမယ်။
 
သန်အမျိုးအစားမတူရင် ခံစားရမှာ မတူဘူး။ ဗိုက်နာတာ၊ ဝမ်းပျက်တာနဲ့ စအိုယားတာတွေ။ သန်ရှိရင် ပိန်တယ်။ ဗိုက်ပူတယ်။ ဝက်သား မနူးတာစားလို့ တိပ်ပြားပုံသန်ကောင် ဖြစ်တတ်တယ်။ သေခြာချင်ရင် Stool ME ဝမ်းစစ်ရမယ်။
 
အများဆုံးဖြစ်တာက သန်လုံးကောင် နဲ့ ပင်အပ်ပုံ သန်ကောင်တွေဖြစ်တယ်။ အမျိုးမတူရင် ဆေးပေးတာလဲ မတူပါ။ အများဆုံးဖြစ်တာအတွက် ဆေးတကြိမ်တည်းနဲ့ပြီးတယ်။ တချို့ကို ၃ ရက်ဆက်သောက်ရတယ်။ တချို့က ၃-၄ ပတ် အကြာမှာ တခါထပ်သောက်ရတယ်။ ပဌမအကြိမ်က ဥအနေနဲ့ ရှိနေခဲ့တာတွေ အကောင်ဖြစ်လာချိန်မှာ ထပ်ပြီး သန်ချရတာဖြစ်တယ်။ Albendazole ဆေးကို အများဆုံးသုံးတယ်။ မှတ်ရတာလွယ်တယ်။ အသက် ၂ နှစ်အထိ ဆေးတဝက်နဲ့ ၂ နှစ်အထက် 400 mg တိုက်ရတယ်။ အရင်ပေါ်ခဲ့တဲ့သန်ချဆေးတွေလို ဝမ်းနုပ်ဆေးမလို။ ကလေး ဝမ်းပျက်ခြင်း၊ ဝမ်းချုပ်ခြင်းစာတွေ ဘလော့မှာဖတ်နိုင်ပါတယ်။
 
• Ascariasis, Enterobiasis, Hookworm သန်လုံးကောင် = အများဆုံးဖြစ်တယ်။ Albendazole 400 mg ၁ ကြိမ်တည်း သို့မဟုတ် ၂-၃ ကြိမ်။ Mebendazole 100 mg တနေ့ ၂ ကြိမ်၊ ၃ ရက်၊ သို့မဟုတ် 500 mg တခါတည်းသောက်။ Piperazine 3.5 Gm x 2-4 days ၂-၄ ရက်။ Livamisole 150 mg တခါတည်းသောက်။
 
• Trichuiasis ဝမ်းပျက်စေသည့်သန်ကာင် = Albendazole 400 mg အသက် ၂ နှစ်အထက် ညအိပ်ယာဝင် ၁ ကြိမ်။
 
• Hookworm ချိတ်ပုံသန်ကောင် = Mebendazole 100 mg တနေ့ ၂ ကြိမ်၊ ၃ ရက် (သို့) Albendazole 400 mg တကြိမ် + Ferrous sulfate 200 mg တနေ့ ၃ ကြိမ်၊ ၃ လသောက်။
 
• Strongyloides အရေပြားမှတဆင့်ဝင်သော သန်ကောင် = Albendazole 400 mg တနေ့ ၁-၂ ကြိမ်၊ ၃ ရက်သောက်။
 
• Neurocysticercosis အာရုံကြောထဲရောက်သော သန်ကောင် = Albendazole 400 mg လူကြီး တနေ့ ၂ ကြိမ်၊ Children 15 mg/kg ကလေး တနေ့ ၂ ကြိမ်၊ ၈-၃ဝ ရက်သောက်။
 
• Tapeworm (Cestode), Echinococcosis တိပ်ပြားပုံ သန်ကောင် = Praziquantel 10 mg/kg တကြိမ်တည်းသောက်။ Albendazole 400 mg လူကြီးတွေနဲ့ ကလေး ကီလို ၆ဝ ကျော် တနေ့ ၂ ကြိမ်၊ ၂၈ ရက်။ ၁၄ ရက်ခြာပြီး အဲသည်အတိုင်း နောက်တခါထပ်သောက်။
 
• Pinworm (Enterobiasis) ပင်အပ်ပုံ သန်ကောင်
စအိုဝယားတာက သန်ကောင်ဖြစ်ဖို့များတယ်။ ပင်အပ်ပုံသန်ကောင်ကြောင့်ဖြစ်တယ်။ ညအချိန်မှာ သန်ကောင်အမက ကိုယ်အပြင် (စအိုအပြင်) ထွက်ပြီး ဥအုချလို့ စအိုယားစေတယ်။ ကူးစက်တယ်။
 
(က) Albendazole 400 mg တကြိမ်တည်းသောက်။ ၂ ပတ်နေ နောက်ထပ်တခါထပ်သောက်။ အစာနဲ့သောက်တာကောင်းတယ်။ အစာမှာလည်း အဆီပါတဲ့အစာဆိုရင်ပိုကောင်းတယ်။ ထမင်းချိန်မဟုတ်ရင် အိုက်စခရင်မ်၊ နွားနို့။ ကိုယ်ဝန်ဆောင်နေချိန်မှာ မသောက်ရပါ။ ဒါမှမဟုတ်
 
(ခ) Mebendazole (Vermox) 100 mg တနေ့ ၂ ကြိမ်သောက်။ ၂ ပတ်နေ နောက်ထပ်တခါထပ်သောက်။ အစာနဲ့သောက်တာကောင်းတယ်။ အစာမှာလည်း အဆီပါတဲ့အစာဆိုရင်ပိုကောင်းတယ်။ ထမင်းချိန်မဟုတ်ရင် အိုက်စခရင်မ်၊ နွားနို့။ ကိုယ်ဝန်ဆောင်နေချိန်မှာ မသောက်ရပါ။ ဝမ်းချုပ်တဲ့သူဆိုရင် မနက်ခင်းဝမ်းခြူနိုင်တယ်။ ဝမ်းသွားစေတဲ့ဆေးသောက်နိုင်တယ်။ အမြဲမလိုပါ။
 
ဒေါက်တာတင့်ဆွေ
(ဆရာကြီး၏ ခွင့်ပြုချက်ဖြင့် Mawlamyine Daily မှဖော်ပြပါသည်။)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s