Asthma ကိုယ်ဝန်နဲ့ ပန်းနာ

Asthma (2) ကိုယ်ဝန်နဲ့ ပန်းနာ

မော်လမြိုင်၊ ၂၄ စက်တင်ဘာ ၂၀၁၈
 
ကျွန်မ အသက် ၃၉နှစ်ပါ။ ဒုတိယကိုယ်ဝန်ကိုဆောင်ထားတာ ၅လရှိပါပြီ။ ကျွန်မမှာရင်ကျပ်ပန်းနာ ရောဂါရှိပါတယ်။ ခုကိုယ်ဝန်၅လမှာ ရင်ကျပ်နေလို့ အရင်ရူနေတဲ့ဆေး ventolin ရူဘူးရူနေတာမသက်သာလို့ပါဆရာ။ ကိုယ်ဝန်ဆောင် သောက်လို့ရမယ့် ရင်ကျပ်ပန်းနာဆေး ရှိရင် ညွှန်ကြားပြသပေးပါဆရာ။မတည့်တဲ့ ဆေးမရှိပါဆရာ။ သားအကြီးလေးက ဖျားပြီး အမျိုးသားက ခရီးသွားနေလို့ ဆေးခန်းသွားပြဖို့အခက်အခဲရှိနေလို့ပါဆရာ။ ကျေးဇူးပြုပြီး ပြန်လည်ဖြေကြားပေးပါဆရာ။
 
ဒေလီမှာ ယမုန်နာဆေးခန်းလေးဖွင့်စဉ်က ကလေးလာမွေးတဲ့လူနာက ဒုတိယကိုယ်ဝန်ဆောင်ထားသူဖြစ်တယ်။ အဆင့် ၁ လို့ သတ်မှတ်တဲ့ ဗိုက်စနာတာကနေ သားအိမ်အဝ အပြည့်ကျယ်တဲ့အထိ ပုံမှန်အတိုင်း တိုးတက်မှုတွေရှိတယ်။ ဒုတိယအဆင့်မှာတော့ ကြာလို့ ညှပ်ဆွဲ မွေးပေးရတယ်။ ချက်ကြိုးက လည်ပင်း ပတ်နေတယ်။ ခေါင်းဖွါးပြီးတော့ ပခုံးနှစ်ဘက်က တပြိုင်နက် ထွက်တာမို့ မွေးလမ်းကြောင်း စုပ်ပြဲပြီး၊ ပြန်ချုပ်ပေးရတယ်။ မချုပ်ခင် ကလေးက ချက်ချင်း အသက်မရှူလို့ လုပ်ပေးရ၊ တတိယအဆင့် အချင်းချရတာကို ဆရာမက ကောင်းကောင်းလုပ်ပေးလိုက်တယ်။ ဒီအထိဟာ ပြဿနာလို့ မခေါ်ပါ။
 
ကလေးကို အလေးချိန်တာ၊ ခေါင်းပတ် တိုင်းတာတွေလုပ်၊ ကာကွယ်ဆေးတွေ ထိုး-တိုက်နေတုန်း ကလေးအမေဆီက ချောင်းဆိုးသံ ကြားလာရတယ်။ မသင်္ကာလို့ သွားကြည့်ရ မေးရတယ်။ လူနာ ကိုယ်ပူလာတယ်။ အဖျားလဲတိုင်းပြီး အနီပိန့်တွေ မျက်နှာမှာပေါ်လာတယ်။ ချက်ချင်း စားဆေးပေး၊ ဆေးထိုးပေးလိုက်ပါတယ်။ ခဏနေတော့ ချောင်းဆိုးသံ တမျိုးဖြစ်လာပြီ။ သံယရှိတာနဲ့ အရင်က ပန်းနာ ရှိ-မရှိ မေးတော့ ချောင်းတော့ဆိုးတတ်တယ်လို့သာ သူ့ ခင်ပွန်းက ပြောတယ်။ ခဏနေတော့ အသက်ရှူသံ ပြောင်းလာတာ နားကြပ်နဲ့ ကြားရပြီ။
 
နောက်ထပ် စားဆေးအသောက်ခိုင်းပြီး ထိုးဆေးလဲ အပြင်ခိုင်းတယ်။ ဆေးမထိုးခင် BP သွေးဖိအားတိုင်းတော့ မမျာ။ ကံကောင်းတယ်။ ဒါနဲ့ အဒရီနယ်လင်ဆေးတဝက်ကို အရေပြားအောက်မှာ ထိုးတယ်။ လူနာခံစားနေရချိန် ဆရာဝန်က Pulmonary oedema ခေါ်တဲ့ အသက်ကိုရန်ရှာနိုင်တဲ့ ရုတ်တရက်အဆုပ်ရောင်တာ ဟုတ်-မဟုတ် အသည်းအသန် စစ်ဆေးရ၊ စဉ်းစားရတယ်။ ဖြစ်ရင်ကုဘို့ပါ ပြင်ထားရသေးတယ်။
 
၅ မိနစ်ထိ ပိုဆိုးမလာ။ ၁ဝ မိနစ်နေတော့ သက်သာလာပြီ။ ၁၅ မိနစ် အနီပိန့်တွေလဲ မရှိ၊ ချောင်းလဲ မဆိုးတော့ပါ။ ဆေးတဝက်ကျန်သေးတဲ့ ဆေးထိုးပိုက်ကို ပြန်ဖြုခိုင်းလိုက်ပြီ။ လူနာအိပ်ချင်လာတယ်။ အမေနဲ့ကလေး ဓါတ်ပုံရိုက်တော့ မအေက မျက်စိမဖွင့်နိုင်လို့ ဒီအတိုင်း ရိုက်လိုက်ရတယ်။
 
ပန်းနာဆိုတာ ဘာလဲ
အသက်ရှူလမ်းက လေအရှူအထုတ်လုပ်တဲ့ လေပြွန်တွေ ရုတ်တရက် ကျဉ်းလာ၊ ရောင်လာရာကနေ အချွဲရည်ပါ ထွက်လာပြီး အသက်ရှူခက်လာ၊ ကြပ်လာတာဖြစ်တယ်။ စီစီနဲ့ အသံမျိုးကြားရမယ်၊ ချောင်းဆိုးမယ်၊ အသက်ရှူကြပ်မယ်။ အသက်အန္တရာယ်ပါ ထိပါးနိုင်တယ်။ ပန်းနာနဲ့ အလာဂျီဆက်နေတယ်။ သူများ တိုင်းပြည်တွေမှာ ပန်းနာဖြစ်စေတဲ့ တရားခံစားရင်းမှာ ပန်းဝတ်မှုံက ထိပ်မှာရှိတယ်။ ဒေလီမှာတော့ ပန်းဆိုတာ မွေးတာရယ်လို့ မရှိပါ။
 
ဘာလို့ ဖြစ်ရသလဲ
မျိုးဗီဇ နဲ့ ပါတ်ဝန်းကျင် အခြေခံတွေ ပေါင်းစပ်ရာကနေ ဖြစ်စေတယ်။ ပါတ်ဝန်းကျင် ဆိုတာတွေထဲမှာ ပန်းဝတ်မှုံ၊ တိရစ္ဆာန်တွေကလာတဲ့ အမှုံအမွှား၊ ဖန်းဂတ်စ် ခေါ် မှို၊ ပိုးဟပ်၊ လှေးကောင်၊ မွှားကောင်၊ လေထဲကမီးခိုး စတဲ့ အခိုးအငွေ့တွေ ဖြစ်ကြတယ်။
 
ပန်းနာ အချက်အလက်နဲ့ ကိန်းဂဏန်းများ
၂ဝဝ၄ စာရင်းတွေအရ တကမ္ဘာလုံးမှာ ပန်းနာဖြစ်သူ သန်းပေါင်း ၃ဝဝ ရှိတယ်။ ပန်းနာဟာ မျိုးဗီဇနဲ့ ဆက်စပ်နိုင်တယ်။ ပန်းနာရှိသူ အသားမည်းတွေမှာ ၂၅% အဲဒီမျိုးဗီဇကို တွေ့ရပြီး၊ အသားဖြူတွေမှာတော့ ၅% သာ တွေ့ရတယ်။ ၂ဝဝ၇ စာရင်းဇယားတွေအရ အမေရိကားမှာ ၃၄ သန်းရှိတယ်။ ၉ ယောက်မှာ ၁ ယောက်ဖြစ်နေတဲ့သဘော။ မိန်းကလေး၊ အမျိုးသမီးတွေက ယောက်ျားသားတွေထက် ပိုအဖြစ်များတယ်။ ၁၈ နှစ်အောက်တွေမှာ လူကြီးတွေထက် ပိုများတယ်။ အသားမည်း ၁ဝ့၂%၊ အသားဖြူ ၇့၆% နဲ့ အသားညို-ဝါတွေမှာ ၆့၈%။
 
ဆေးကုနည်းတွေ
• Daily use of inhaled corticosteroids (Flovent, Pulmocort and Asmanex) နေ့တိုင်း စတီရွိုက် ရှူဆေး၊ ရောင်ရမ်းတာကို သက်သာစေဘို့ ဖြစ်တယ်။
• Oral bronchodilator medications (Theophylline) မကြာမကြာ ဖြစ်သူတွေအတွက် လေပြွန်ကျယ်စားဆေး၊ ကျွန်တော်တို့ဆရာဝန်ဖြစ်တော့ ဒီဆေးတမျိုးသာရှိတယ်။
• Oral medications (Singulair, Accolate and Zyflo) ရုတ်တရက် ကြပ်လာတာကို ကာကွယ်ဖို့ စားဆေး၊
• Ipratropium (Atrovent) inhaler ရုတ်ရက်ဖြစ်တာ ချက်ချင်းသက်သာဘို့ ရှူဆေး၊
• Bronchodilator inhaler (Beta-agonists, Anticholinergics, Theophylline) ကြပ်တာဆိုးလာရင် သုံးရတဲ့ ရှူဆေး၊
– Short-Acting Bronchodilator Inhalers ရက်တိုသုံး လေပြွန်ကျယ် ရှူဆေး = Albuterol (Proventil HFA, Ventolin HFA, AccuNeb), Alupent (Metaproterenol), Combivent (Beta-agonist + anticholinergic), DuoNeb (Beta-agonist + anticholinergic), Maxair, Xopenex
– Long-Acting Bronchodilator Asthma Inhalers ရက်ရှည်သုံး လေပြွန်ကျယ် ရှူဆေး = Advair and Symbicort (Beta-agonist bronchodilator + Inhaled steroid), Serevent (Aalmeterol), Foradil (Formoterol), Perforomist (formoterol solution for nebulizers)
 
Dr. တင့်ဆွေ
(ဆရာကြီး၏ ခွင့်ပြုချက်ဖြင့် Mawlamyine Daily မှဖော်ပြပါသည်။)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s