Paracetamol and Azithromycin ကလေးဆေးများ

This slideshow requires JavaScript.

မော်လမြိုင်၊ ၃ စက်တင်ဘာ ၂၀၁၈
 
ခြောက်နှစ်ကလေး ရိုးရိုးဖျားတာကို ပါရာစီတီမော ၅၀၀ mg တဝက်နဲ့ ပိုးသတ်ဆေး ရောတိုက်ရင် အဖျားပျောက်လားဆရာ။
 
မေးခွန်းမှာ အဖျားလို့သာပါတယ်။ အဖျားဆိုတာ ရောဂါမဟုတ်။ ရောဂါလက္ခဏာတခုသာဖြစ်တယ်။ ဘာကြောင့်ဖျားသလဲ ရှိမယ်။ ဆေးတွေအကြောင်းသာ ဖြေနိုင်တယ်။ ဖျားတာ၊ နာတာ၊ ရောင်တာတွေကို ပါရာစီတမောနဲ့ အိုဘူပရိုဖင်ဆေး ၂ မျိုးကို အများဆုံးသုံးပါတယ်။
 
ပါရာစီတီမောဆေး ၁၂ နှစ်အထက်နှင့်လူကြီး ဘယ်လောက်ပေးမလဲ
Paracetamol 325 mg/tab ၁-၂ ပြား၊ တနေ့ ၃-၄ ကြိမ်။ ၂၄ နာရီအတွင်း ၁၂ ပြားထက်မပိုရ။
Paracetamol 500 mg/tab ၁-၂ ပြား၊ တနေ့ ၃-၄ ကြိမ်။ ၂၄ နာရီအတွင်း ၈ ပြားထက်မပိုရ။
Paracetamol 650 mg/tab တခါသောက် ၁-၂ ပြား။ ၂၄ နာရီအတွင်း ၆ ပြားထက်မပိုရ။
Paracetamol ဆေးရည် 500 mg per 15 mL တခါတိုက် လက်ဖက်ရည်ဇွန်း ၂ ဇွန်း၊ တနေ့ ၃-၄ ကြိမ်။ ၂၄ နာရီအတွင်း 120 ml ထက် မပိုရ။
 
ပါရာစီတီမောဆေးရည် အသက် ၆ နှစ်မှ ၁၁ နှစ်ကလေး
Paracetamol 325 mg တနေ့ ၃-၄ ကြိမ်။ ၂၄ နာရီအတွင်း ၅ ပြားထက်မပိုရ။
Paracetamol 15 mg/kg တနေ့ ၃-၄ ကြိမ်။
 
Azithromycin အဇစ်သရိုမိုင်စင်ဆေး
အဇစ်သရိုမိုင်စင်ဆိုတာ ပဋိဇီဝဆေးဖြစ်တယ်။ နားအလည်ပိုင်းရောင်ခြင်း၊ အာသီးရောင်ခြင်း၊ အာခေါင်ရောင်ခြင်း၊ လေပြွန်ရောင်ခြင်း၊ နူမိုးနီးယား၊ ဆိုင်းနူဆိုက်တစ်၊ လိင်ကတဆင့် ကူးစက်တဲ့ ဆီးပြွန်ရောင်ခြင်း၊ သားအိမ်ဝရောင်ခြင်း၊ ခရီးသွား-ဝမ်းပျက်ခြင်း၊ ကြက်ညှာချောင်းဆိုးရောဂါတွေအတွက် ပေးနိုင်တယ်။ အစာမစားမီ ၁ နာရီ၊ စားပြီး ၂ နာရီ ပေးပါ၊
 
• ရက်တို နားအလည်ပိုင်းရောင်ခြင်း၊ လူစုလူဝေးက ရတဲ့ နူမိုးနီးယား၊ အာသီး-အာခေါင်ရောင်ခြင်း၊ အရေပြားအနာများ၊ ဆိုင်းနပ်စ် ရောဂါ။ Chlamydia ကဲလ်မီဒီးယားကြောင့် ဆီးပြွန်အဝ-သားအိမ်အဝ ရောင်ခြင်း၊ = ပဌမနေ့မှာ 500 mg ပေး၊ ဒိနောက် 250 mg တရက်တခါ၊ ၄ ရက်။
• နာတာရှည် လေပြွန်ရောင်၊ လိုင်မ်ရောဂါ၊ လိင်မှတဆင့် ကူးစက်ရောဂါများ၊ နှလုံးအတွင်းသား-အရိုးအဆစ်-အစာခြေလမ်း- သားအိမ်အဝ ရောင်ခြင်း၊ နားပြည်ယိုခြင်း၊ သာမန် တိုက်ဖွိုက်၊ အသက်ရှူလမ်း၊ အရေပြား ပိုးဝင်ခြင်း၊ နူမိုးနီးယား = 250-500 mg Daily (7.5-20 mg/kg) တနေ့တခါသောက်ပါ။
• နာတာရှည် အသက်ရှူလမ်းပိတ် ရောဂါ ပြန်ထခြင်း = 500 mg တရက်ပေး၊ ဒိနောက် 250 mg တရက်တခါ၊ ၄ ရက်။
• ဂနိုရီးယားဆီးပြွန်ရောင်ခြင်း၊ သားအိမ်ဝရောင်ခြင်း = 2 g တခါတည်းပေး။
• လိင်လမ်း ရှန်ကာအနာ၊ ဂနိုရီးယားမဟုတ်တဲ့ ဆီးပြွန်ရောင်ခြင်း၊ သားအိမ်ဝရောင်ခြင်း = 1 g တခါတည်းပေး။
• ဂိုနိုးရီးယားကြောင့် မျက်စိနာခြင်း = 20 mg/kg တခါတည်းပေးပါ။ 1% မျက်စဉ်းခပ်ပါ။
• ရက်တိုဖြစ်တဲ့ တင်ပါးဆုံတွင်း အင်္ဂါတွေရောင်ခြင်း = 500 mg IV ကို သွေးပြန်ကြောထဲ ၁ နာရီအတွင်းသွင်းပါ၊ ၁-၂ ရက်။
• လိင်ကတဆင့်ကူးစက်ရောဂါ ကာကွယ်ရန် = 1 g တခါတည်းသောက်ပါ။
• လိင်ကတဆင့်ကူးစက်ရောဂါ ကာကွယ်ရန် = ဆေး ၃ မျိုးတွဲနည်းအရ (Ceftriaxone or Cefixime + Metronidazole + Azithromycin or Doxycycline) ပေးပါ။
 
အဇစ်သရိုမိုင်စင်ဆေးရည်မှာ 100mg/5mL နဲ့ 200mg/5mL လာတယ်။
• နားအလည်ပိုင်း ရောင်ခြင်း၊ အသက် ၆ လ အထက်ကလေး = 30 mg/kg ၃ ရက်တိုက်။ (သို့) 10 mg/kg ပဌမနေ့ တိုက်ပြီးနောက် 5 mg/kg ၂-၅ ရက်တိုက်ပါ။
• လူစုလူဝေးကနေရတဲ့ နူမိုးနီးယား၊ အသက် ၆ လ အထက်ကလေး = 10 mg/kg ပဌမနေ့တိုက်ပြီးနောက် 5 mg/kg ၂-၅ ရက်တိုက်ပါ။
• ရက်တို ဗက်တီးရီးယားကြောင့်ဖြစ်တဲ့ ဆိုင်းနူဆိုက်တစ် = 10 mg/kg ဆေးရည် ၃ ရက်။
• အာသီး၊ အာခေါင်ရောင်ခြင်း၊ ၂ နှစ်အထက် = 12 mg/kg ၅ ရက်။ 500 mg/day ထက်မပိုရ။
• Mycobacterium avium complex (MAC) ကာကွယ်ရန်၊ ၆ နှစ်အထက် ကလေး = 20 mg/kg တပါတ်တခါပေးပါ။
 
လူကြီး ပဌမနေ့မှာ Azithromycin 500 mg နဲ့၊ ဒိနောက် 250 mg တရက်တခါ၊ ၄ ရက်။ ၆ လကနေ ၂ နှစ်ကလေး = 10 mg/kg (maximum: 500 mg/dose) တနေ့ ၁ ကြိမ်၊ ၃ ရက်။
 
ဘေးထွက်ဆိုးကျိုး = ပျို့-အန်၊ အရေပြားနီ၊ ဗိုက်အောင့်၊ ဝမ်းပျက်၊ ခေါင်းကိုက်၊ မူး၊ လေတက်၊ ကိုယ်ဝန်ဆောင် နဲ့ နို့တိုက်မိခင်တွေကို သတိဖြင့်ပေးပါ၊ Aluminum နဲ့ Magnesium ပါတဲ့ Antacids လေနာသက်သာဆေးတွေနဲ့ တွဲမသောက်ပါနဲ့။ FDA ကနေ B အဆင့်သတ်မှတ်ထားတယ်။ ဆိုလိုတာက အကျိုးက ဘေးထွက်ဆိုးကျိုးထက်ပိုရင် သောက်နိုင်တယ်။ ကလေးအတွက် စိုးရိမ်ရန်မရှိပါ။ ကိုယ်ဝန်ဆောင်နေချိန်မှာ Azithromycin က Erythromycin ထက် ပိုစိတ်ချရတယ်။ ကလေးနို့တိုက်ရင် နို့ထဲမှာ ဆေးပါတယ်။ သတိထားသင့်တယ်။
 
Dexchlorpheniramine ဆေးက အင်တီဟစ်တမင်းခေါ် အလာဂျီနဲ့ အအေးမိအတွက်သုံးတဲ့ဆေးဖြစ်တယ်။
 
Dr. တင့်ဆွေ
(ဆရာကြီး၏ ခွင့်ပြုချက်ဖြင့် Mawlamyine Daily မှဖော်ပြပါသည်။)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s