Cetrizine တည တပြား

Cetrizine တည တပြား

မော်လမြိုင်၊ ၁၄ သြဂုတ် ၂၀၁၈
 
Cetirizine (HCl) ဆေးကို (အလာဂျီ) အတွက်သုံးတယ်။ အအေးမိပျောက်ဆေး၊ ချောင်းဆိုးပျောက်ဆေး စတာတွေထဲမှာ ပါတယ်။ မသောက်ဘူးသူမရှိသလောက် အသုံးများလှတဲ့ဆေးဖြစ်တယ်။ (အင်တီဟစ်တမင်း) ဆေးအုပ်စု၊ ဒုတိယမျိုးဆက် ဖြစ်တယ်။ အရင်ပေါ် ပဌမမျိုးဆက် ဥပမာ Burmeton လို မအိပ်ချင်ဘူးဆိုပေမဲ့ နည်းနည်းတော့ အိပ်ချင်တာပါဘဲ။ အင်းဆက်ကောင်တွေ ကိုက်တာအတွက်လည်းသုံးတယ်။ ဘယ်နေရာက ဘာလို့ယားယား ဒီဆေးပဲသုံးတာများတယ်။
 
ဘေးထွက်ဆိုးကျိုးတွေက မဆိုးပါ။ သာမန်လောက်သာဖြစ်တယ်။
လူကြီး (၁၂ နှစ်အထက်) = အိပ်ချင်၊ အားယုတ်၊ အာခေါင်ခြောက်၊ အိပ်မရ၊
ကလေး (၂ နှစ်မှ ၁၁ နှစ်) = ခေါင်းကိုက်၊ အာခေါင်ရောင်၊ ဗိုက်နာ၊
ကလေး (၆ လမှ ၂ နှစ်) = ငို၊ စိတ်ဆိုး၊ အိပ်မရ၊ အားနည်း၊ မအီမသာဖြစ်။
 
၆ နှစ်မှ ၁၁ နှစ်အရွယ် ကလေး ၉ဝဝ ကျော်ကို Cetirizine ၂ ပါတ်မှ ၆ ပါတ်ပေးပြီး၊ သုတေသနလုပ်ခြင်း ရလဒ်များ
– အများစုတွင် သာမန်မှ အသင့်အတင့် ဘေးထွက်ဆိုးကျိုးများတွေ့ရ။
– လက္ခဏာ = ၅ မီလီဂရမ်-၁ဝ မီလီဂရမ်
– ခေါင်းကိုက် = ၁၁-၁၄%
– လည်ချောင်းနာ = ၆့၂-၂့၈%
– ဗိုက်နာ = ၄့၎-၅့၆%
– ချောင်းဆိုး = ၄့၎-၂့၈%
– ဝမ်းပျက် = ၁့၉-၄့၂%
– နှာခေါင်းသွေးယို = ၃့၇-၁့၉%
– ပျို့ချင် = ၁့၉-၂့၈%
– အန် = ၂့၅-၂့၃%
– ရင်ကြပ် = ၃့၁-၁့၉%
 
Cetirizine ဘယ်လောက်တိုက်ရမလည်း
၆ လမှ ၂ နှစ် = 2.5 mg တနေ့ ၁ ကြိမ်။ ၁၂ လအထက်ကိုလိုအပ်ရင် တနေ့ ၂ ကြိမ်။
၂ နှစ်မှာ ၅ နှစ် = 2.5 mg တနေ့ ၁ ကြိမ်။ ၁၂ လအထက်ကိုလိုအပ်ရင် 5 mg/day အထိတိုးနိုင်။
၆ နှစ်အထက် = 5 to 10 mg တနေ့ ၁ ကြိမ်။
 
Antihistamines (အင်တီဟစ်တမင်း) ခေါ် (အလာဂျီ) ဖြစ်ခြင်းအတွက် ဆေးများ = Cetirizine, Chlorpheniramine, Cinnarizine, Clemastine, Cyclizine, Desloratadine, Dexchlorpheniramine, Dimenhydrinate (most commonly used as an antiemetic), Dimetindene, Diphenhydramine (Benadryl), Doxylamine, Ebastine, Embramine, Fexofenadine, Levocetirizine, Loratadine, Meclozine Hydrochloride, Olopatadine, Pheniramine, Promethazine, Quetiapine
 
ကိုယ်ဝန်ဆောင်နေရင် (အင်တီဟစ်တမင်း) ဆေးသောက်တာသတိထားကြဘို့ ကောင်းတယ်။ အထူးသဖြင့် ပဌမ ၃ လအတွင်း။ အအေးမိတာ၊ တော်တော်တန်တန် နာတာ-ကိုက်တာက ဆေးလဲမလိုပါ။ ဆေးသောက်ရပြီဆိုရင်လဲ ဆေးထိရောက်မှုအတွက် အနည်းဆုံးလိုအပ်ချက်နဲ့ အတိုဆုံးရက်သာသုံးသင့်တယ်။ အစိုးရိမ်ကြီးစရာတော့ မဟုတ်ပါ။ အကျိုးနဲ့အပြစ် ချင့်ချိန်ရင် အကျိုးကပိုပါတယ်။
 
Levocetirizine ဆိုတာ Antihistamine (အင်တီဟစ်စတမင်း) ဆေးဖြစ်တယ်။ Allergy symptoms (အလာဂျီ) လက္ခဏာတွေဖြစ်တဲ့ မျက်ရည်ယို၊ နှာရည်ယို၊ မျက်စိ-နှာမွှန်၊ နှာချေ၊ အင်ပြင်ထွက်နဲ့ ယားယံတာတွေကို သက်သာစေမယ်။ Histamine (ဟစ်စတမင်း) ဓါတ်ထွက်လာမှာကို တားပေးတယ်။ Allergic Conjunctivitis အလာဂျီကြောင့်မျက်စိနာတာ၊ Atopic Dermatitis အရေပြားနာနဲ့ Hives အင်ပြင် ထွက်တာတွေကိုလည်း ပေးနိုင်တယ်။
 
(အလာဂျီ) ဖြစ်စေတဲ့ အကြောင်းရင်းကို ရှာနိုင်-ရှောင်နိုင်မှသာ ပျောက်မှာပါ။ ဆေးက ဖြစ်လာတာကိုသာ သက်သာစေမယ်။ လူကြီး တည တပြားသောက်ပါ။ တစ်ည တစ်ပြား မဟုတ်။
 
Dr. တင့်ဆွေ
(ဆရာကြီး၏ ခွင့်ပြုချက်ဖြင့် Mawlamyine Daily မှဖော်ပြပါသည်။)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s