Worms သန်ကောင်

This slideshow requires JavaScript.

မော်လမြိုင်၊ ၂၀ ဇူလိုင် ၂၀၁၈
 
၁။ မင်္ဂလာပါရှင့် ဒေါက်တာတင့်ဆွေ ကျွန်မ အသက် ၂၅ နှစ်ပါ အိမ်ထောင်ရှိပါတယ်ရှင့် ခုအသက်အရွယ်ထိတခါမှ သံချဆေးမသောက်ဖူးပေမယ့် နောက်ပိုင်း ဟော့ပေါ့ အကင်တွေ အရမ်းခေတ်စားလာလို့ ခဏခဏစားမိလို့ ကျန်းမာရေးအရ သံချဆေးသောက်ဖို့လိုတယ်ထင်လို့ပါ ဆရာ လူတွေပြောကြပုံအရ မိသားစုတခုလုံး သံချဆေးတူတူသောက်ရတာဘာကြောင့်ပါလဲဆရာ သံချခြင်
 
ဒီမေးခွန်းက အီးမေးလ်ကနေလာတယ်။ အီးမေးလ်မှာစာရေးနည်း အကြိမ် ၂ဝ လောက်တော့ရေးထားပြီးပြီ။ အပေါ်က ဆပ်ဂျက်နေရာမှာ ခေါင်းစီးသဘောသာရေးရပြီး အောက်စာကိုယ်နေရမှာသာ စာရေးရတယ်။ အပေါ်မှာရေးရင် တိုတို ရေးလို့ရလို့ ရေးထားတာ အကုန်မရောက်ပါ။ အဲတာကိုဖြေလိုက်ရင်လည်း ဖြေထားပြီးကြောင်း ကျွန်တော့်အီးမေးလ်မှာ မပေါ်ပါ။
 
၂။ မင်္ဂလာပါဆရာ အမျိုးသားအသက် ၃၁၊ အမျိုးသမီးအသက် ၂၈ ပါ။ ကလေးမရှိသေးပါ။ သံချဆေးမသောက်နှစ်နဲ့ချီ ကြာနေလို့ သံချဆေးသောက်ဖို့ ဝယ်ထားပါတယ်ဆရာ။ ဆေးနာမည်က Benda 500 ပါ ဆေးကို ဘယ်အချိန် သောက်ရမလဲဆိုတာ မသိလို့ပါ။ ကျေးဇူးပြု၍ဖြေပေးပါဆရာ။ မေးနည်းစည်းကမ်းနဲ့ စာလုံးပေါင်းသက်ပုံမှားနေရင် ခွင့်လွှတ်ပါဆရာ။ မလေးရှားရောက် မြန်မာ
 
၃။ ဆရာရှင့် ကလေးတွေ ဘယ်အရွယ်ဆို သံချဆေးတိုက်လို့ရပြီးလဲရှင့်။ ကျွန်မသမီးလေးက ၁ နှစ်နဲ့ ၉ လရှိပါပြီ။ အခုနေထိုင်တာ ထိုင်းနိုင်ငံမှာ သံချဆေးသွားဝယ်တာ ဆရာဝန်က မရောင်းပေးလို့ပါ။
 
သန်ကောင်ဆိုတာ ပါးစပ်ကနေဝင်တယ်။ သန်ဥပါတာကို စားသောက်မိလို့ ကူးစက်တယ်။ သန်အမျိုးအစားမတူရင် ခံစားရမှာလဲ မတူဘူး။ ဗိုက်နာတာ၊ ဝမ်းပျက်တာနဲ့ စအိုယားတာတွေ။ ကလေးတွေမှာ သန်ရှိရင် ပိန်တယ်။ ဗိုက်ပူတယ်။ ဝက်သားမနူးတာစားလို့ တိပ်ပြားပုံသန်ကောင် ဖြစ်တတ်တယ်။ သေခြာချင်ရင် ဝမ်းစစ်ရမယ်။ အများဆုံးဖြစ်တာက သန်လုံးကောင် နဲ့ ပင်အပ်ပုံသန်ကောင်တွေဖြစ်တယ်။ အမျိုးမတူရင် ဆေးပေးတာလဲ မတူပါ။ အများဆုံးဖြစ်တာအတွက် ဆေးကို တကြိမ်တည်းနဲ့ပြီးတယ်။ တချို့ကို ၃ ရက်ဆက်သောက်ရတယ်။ တချို့က ၃-၄ ပါတ်အကြာမှာ တခါသောက်ရတယ်။ ပဌမအကြိမ်တုံးက ဥအနေနဲ့ ရှိနေခဲ့တာတွေ အကောင်ဖြစ်လာချိန်မှာ ထပ်ပြီးသန်ချရတာဖြစ်တယ်။
 
(၁) Albendazole အယ်လ်ဘင်ဒဇိုး
Albendazole အပြားဖြစ်ဖြစ် အရည်ဖြစ်ဖြစ်၊ အသက် ၂ နှစ်ကျော်တဲ့ကလေးတိုင်းကို ၁ ပြား၊ တပုလင်း၊ ညတိုက်ပါ။ နောက် ၄ ပါတ်နေရင် အဲလိုတခါ၊ နောက်ထပ် ၄ ပါတ်နေရင်လဲ အဲလိုတခါ၊ စုစုပေါင်း ၃ ခါတိုက်ပါ။ ၂ နှစ်အထက် ဘယ်လောက် အသက်ကြီးကြီး ဆေးတလုံးသောက်ရတယ်။ သောက်ရတဲ့ဆေးပြား၊ ဝါးစားရတဲ့ဆေးပြား၊ ဆေးရည်။ ၂ နှစ်အောက်က တဝက်ပေးရတယ်။ သန်ချဆေးတိုက်ရင် ကလေးကိုယ်အလေးချိန် ၂ဝ ပေါင် အနည်းဆုံးရှိရမယ်။
 
(၂) Mebendazole မီဘင်ဒဇိုး လူကြီး
 
Ascariasis သန်ကောင် (အများဆုံးဖြစ်တယ်) = 100 mg တနေ့ ၂ ကြိမ်၊ ၃ ရက်။
 
Angiostrongylosis သန်ကောင် = 100 mg တနေ့ ၂ ကြိမ်၊ ၅ ရက်။
 
Capillariasis သန်ကောင် = 200 mg တနေ့ ၂ ကြိမ်၊ ၂ဝ ရက်။
 
Trichostrongylosis သန်ကောင် = 100 mg တနေ့ ၂ ကြိမ်၊ ၃ ရက်။
 
Filariasis ဆင်ခြေထောက်သန်ကောင် = 100 mg တနေ့ ၁ ကြိမ်၊ ၁၄ ရက်။
 
Hookworm Infection (Necator or Ancylostoma) သန်ကောင် = 100 mg တနေ့ ၂ ကြိမ်၊ ၃ ရက်။
 
Whipworm Infection (Trichuris trichiura) သန်ကောင် = 100 mg တနေ့ ၂ ကြိမ်၊ ၃ ရက်။
 
Pinworm Infection (Enterobius vermicularis) သန်ကောင် = 100 mg တနေ့ ၁ ကြိမ်၊ ၁၄ ရက်။
 
Trichinosis သန်ကောင် = 200 to 400 mg တနေ့ ၃ ကြိမ်၊ ၃ ရက်။ နောက်မှာ 400 to 500 mg တနေ့ ၃ ကြိမ်၊ ၁ဝ ရက်။
 
Visceral Larva Migrans (Toxicariasis) သန်ကောင် = 100 to 200 mg တနေ့ ၂ ကြိမ်၊ ၅ ရက်။
 
(၃) Mebendazole (ကလေး ၂ နှစ်အထက် )
Ascariasis (အများဆုံးဖြစ်တယ်) = 100 mg တနေ့ ၂ ကြိမ်၊ ၃ ရက်။
 
Angiostrongylosis = 100 mg တနေ့ ၂ ကြိမ်၊ ၅ ရက်။
 
Capillariasis = 200 mg orally တနေ့ ၂ ကြိမ်၊ ၂ဝ ရက်။
 
Filariasis = 100 mg တနေ့ ၁ ကြိမ်၊ ၁၄ ရက်။
 
Hookworm Infection (Necator or Ancylostoma) = 100 mg တနေ့ ၂ ကြိမ်၊ ၃ ရက်။
 
Whipworm Infection (Trichuris trichiura) = 100 mg တနေ့ ၂ ကြိမ်၊ ၃ ရက်။
 
Pinworm Infection (Enterobius vermicularis) = 100 mg ၁ ကြိမ်တည်း + နောက် ၁၄ ရက်နေ တခါထပ်တိုက်။
 
Trichinosis = 200 to 400 mg တနေ့ ၃ ကြိမ်၊ ၃ ရက်။ ထို့နောက် 400 to 500 mg တနေ့ ၃ ကြိမ်၊ ၁ဝ ရက်။
 
Albendazole နဲ့ Mebendazole သန်ချဆေးကို ကိုယ်ဝန်မှာ မသောက်သင့်ပါ။ နို့တိုက်မခင်ကို ၁ ကြိမ်ပေးလို့ရတယ်။
 
ဒေါက်တာတင့်ဆွေ
(ဆရာကြီး၏ ခွင့်ပြုချက်ဖြင့် Mawlamyine Daily မှဖော်ပြပါသည်။)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s