ပြည်ထောင်စု ဗိုလ်ချုပ်သမ္မတနိုင်ငံ

မော်လမြိုင်၊ ၄ မတ်လ ၂၀၁၇

အမတ်မမိကွမ်းချမ်းက မွန်ပြည်နယ်က တံတားကို ဗိုလ်ချုပ်အောင်ဆန်း နာမည်ပြောင်းရန်လွှတ်တော်တွင် အဆိုပြုသည်။
ကန့်ကွက်သူတွေလည်း ကန့်ကွက်ကြသည်။ ထောက်ခံသူတွေ ထောက်ခံကြသည်။
စိုပြေကတော့ ထောက်ခံသည့် ဘက်တွင် ပါသည်။
တံတားတစ်ခုထဲတင် ဗိုလ်ချုပ်နာမည်မဟုတ် အခြားသော အရာတွေကိုပါ ဗိုလ်ချုပ်အောင်ဆန်း နာမည်ပေးသင့်သည်။

ဗိုလ်ချုပ်အောင်ဆန်းဟာဆိုရင် မြန်မာပြည်ရဲ့ ဘာညာ သာရကာ ဆိုပြီး ပြောပြမနေချင်တော့။
အားလုံးလည်း သိပြီးသားမို့လား။
ဗိုလ်ချုပ်ဘာလဲဆိုတာ။ မသိရင် လမ်းဘေးက စာအုပ်ဆိုင်တစ်ခုကိုသွား။ ၀ယ်ဖတ်လိုက်။ ဗိုလ်ချုပ်အကြောင်း စာအုပ်တွေက ရာနှင့်ချီပြီးရှိသည်။
ဒီတော့ ရှင်းပြနေရင် ရှုပ်နိုင်သည်။

ဗိုလ်ချုပ်အောင်ဆန်းကို ဂုဏ်ပြုရမည်။
အခု အချိန်ထိ ဗိုလ်ချုပ်အောင်ဆန်းကို ဂုဏ်ပြုထားတာဆိုလို့ လမ်းတစ်ခုနှင့် ဈေးတစ်ခုသာရှိသည်။
မြို့တိုင်းမှာတော့ ဗိုလ်ချုပ်နာမည်နှင့် လမ်းတွေရှိသည်။ အဲ့ဒါတွေက သိပ်နာမည်မကြီးတော့ ထည့်မပြောချင်။
ပြီးတော့ ဗိုလ်ချုပ်ဆိုတိုင်း ဗိုလ်ချုပ်အောင်ဆန်းကို ရည်ညွှန်းတာမဟုတ်နိုင်။
ဗိုလ်ချုပ်နေ၀င်းတို့၊ ဗိုလ်ချုပ်ခင်ညွှန့်တို့လည်း ရှိသေးသည်။

အဲ့တော့ တံတားနာမည်ကို ဗိုလ်ချုပ်အောင်ဆန်းနာမည်ပေးတာကို ကန့်ကွက်ရန်မရှိ။
တံတားတစ်ခုမှာနာမည်ပေးရုံနှင့် ရပ်မနေသင့်။
တံတားတိုင်းကို ဗိုလ်ချုပ်အောင်ဆန်း နာမည်ကို ပြောင်းရမည်။
ဗိုလ်ချုပ်အောင်ဆန်း တံတား အမှတ် ၁ ၊ ၂ ၊ ၃၊ ၄၊ စသည်ဖြင့်ပေါ့လေ။
တံတားပေါင်း ၁၀၀ ရှိရင် ဗိုလ်ချုပ်အောင်ဆန်း အမှတ် (၁၀၀) တံတား။ အဲ့လိုပေးရမည်။

ဒါတင်မကသေး။
ဗိုလ်ချုပ်ကြေးရုပ်တွေကိုလည်း နိုင်ငံအနှံ့မှာ စိုက်ထူရမည်။
အဲ့အတွေးရှိတာ စိုပြေ ကလေးဘ၀ ကတည်းက။
အခုလို NLD အစိုးရတတ်လာတော့မှပဲ စိုပြေ့ ဆန္ဒပြည့်ဝတော့သည်။
လောလောဆယ် ဗမာတွေ များသည့်နေရာတွေမှာတော့ ဗိုလ်ချုပ်ကြေးရုပ်ရှိသည်။
ပြည်နယ်နှင့်တိုင်း အချို့မှာ ဗိုလ်ချုပ်ကြေးရုပ်တွေကို မတွေ့ရသေး။

အချို့ကလည်း တနိုင်တပိုင် ဗိုလ်ချုပ်ကြေးရုပ်ဆိုပြီး လုပ်ကြတာတွေရှိသည်။
ဒါပေမဲ့ စံချိန်မမှီ။ ဗိုလ်ချုပ်ကို ရုပ်ဆိုးဆိုးလုပ်လို့လုပ်။
ဗိုလ်ချုပ်ကို ပုကွကွလုပ်လို့လုပ်နဲ့။ အဆင်မပြေလှ။
ဒါကြောင့် အစိုးရအနေနဲ့ တောရောမြို့ပါမကျန် စံချိန်မှီဗိုလ်ချုပ်ကြေးရုပ်တွေ ထုလုပ်ပေးသင့်သည်။

တကယ်ဆို ကြေးဆိုတာ တတိယတန်းစား။
ဗိုလ်ချုပ်ကို ဒီထက် ဂုဏ်ပြုသင့်သည်။
ဒီတော့ ဗိုလ်ချုပ်ရွှေရုပ်ဆိုပြီး လုပ်လျှင် ပိုကောင်းမည်။
အခုကြေးရုပ်တွေ နေရာမှာ ဗိုလ်ချုပ်ရွှေရုပ်တွေနှင့် အစားထိုးသင့်သည်။
ကျောက်စိမ်းပေါသည့် ဒေသမှာဆိုလျှင် ဗိုလ်ချုပ်ကျောက်စိမ်းရုပ်တောင်လုပ်သင့်သေးသည်။

ဗိုလ်ချုပ်ရွှေရုပ်ကိစ္စ ခဏထားပြီး တံတားကိစ္စပြန်ဆက်ရအောင်။
အဲ…. တံတားတိုင်းကို ဗိုလ်ချုပ်အောင်ဆန်းနာမည်ပေးပြီးရင် ဘာဆက်လုပ်မလဲ။
လမ်းတိုင်းကိုလည်း ဗိုလ်ချုပ်အောင်ဆန်းနာမည်ပေးသင့်သည်။
ဗိုလ်ချုပ်အောင်ဆန်းလမ်း ၁၊ ၂၊ ၃၊ ၄၊ ၁၀၅၊ ၁၀၀၆၊ ၁၀၀၀၇၊ အဲ့လိုမျိုးပေါ့လေ။

လမ်းတွေပြီးလျှင် မြို့နာမည်တွေပါ ပြောင်းသင့်သည်။
ရန်ကုန်ဆိုတာ ရိုးလှပြီ။ ကြာလည်းကြာပြီ။
အဲ့တော့ ဗိုလ်ချုပ်အောင်ဆန်းမြို့ဆိုပြီးပေးရမည်။
အခု အောင်ဆန်းမြို့ဆိုပြီး ပေးထားတာက အင်းစိန်ထဲက ရပ်ကွက်လေးဖြစ်နေပြီ။
ဒါဟာ ဗိုလ်ချုပ်ကို စော်ကားခြင်းပင်။

ဒီတော့ ပူတာအိုကနေစပြီး ကော့သောင်းအထိ ဗိုလ်ချုပ်အောင်ဆန်းမြို့ ၁၊ ၂၊ ၃၊ ဆိုပြီးပေးသင့်သည်။
ဒါတွေဟာ ပြည်သူတွေက လုပ်လို့မဖြစ်။
အစိုးရက အာဏာစက်နှင့် လုပ်မှဖြစ်မည်။
အခုအစိုးရကလည်း ဗိုလ်ချုပ်အောင်ဆန်းကို အလေးထားသူဆိုတော့ အဲ့လိုမျိုး နာမည်တွေ ပြောင်းပေးလိမ့်မည်ဟု ယုံကြည်သည်။

တကယ်တော့ ဗိုလ်ချုပ်အောင်ဆန်းသည် စတုတ္ထမြန်မာနိုင်ငံကြီး ထူထောင်သူဆိုလျှင်လည်း မမှား။
သူ့ကြောင့် ပင်လုံညီလာခံတွေ ဘာတွေဖြစ်လာပြီး အခုလို မြန်မာပြည် နယ်နိမိတ်ကို ရခြင်းဖြစ်သည်။
ပြီးတော့ အင်္ဂလိပ်ဆီကလည်း လွတ်လပ်ရေးရသည်။

ဒီတော့ နိုင်ငံ၏ နာမည်ကိုပင် ဗိုလ်ချုပ်အောင်ဆန်းနာမည်ပေးသင့်သည်။
ပြည်ထောင်စု သမ္မတ မြန်မာနိုင်ငံအစား။
ပြည်ထောင်စု ဗိုလ်ချုပ်အောင်ဆန်း နိုင်ငံတော် ဟု ပြောင်းလိုက်လျှင် ဘယ်လောက်ကောင်းမလဲ။

အို….။ ဒါတွေတင် ဘယ်ဟုတ်သေးလို့တုန်း။
ကဗျာထဲမှာတောင် “မိဘတိုင်းကကွယ် ဗိုလ်အောင်ဆန်းလို သူရဲကောင်းတွေ မွေးရမယ်” ဆိုပြီး ရေးစပ်ခဲ့သေးတာပဲ။
အဲ့တော့ မြန်မာပြည်မှာ မွေးသမျှကလေးတိုင်းကို အောင်ဆန်း ဆိုတဲ့ နာမည်ပေးသင့်သည်။
အောင်ဆန်းတွေ များနေလျှင်တော့
ထုံးစံအတိုင်း အောင်ဆန်း ၁၊ ၂၊ ၃၊ ၄၊ ပေါ့။

စိုပြေ
Mawlamyine Daily

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s